Waktu Allah nyiptoke manusio, Dio mbékén manusio tu pecak rupo-Nyo dewek.^b 2 Allah nyiptoke dio wong jadi lanang samo betino, mberkahinyo, trós namoinyo manusio pas dio wong diciptoke.

3 Na, pas Adam beómór 130 taón, laér óntók dio sikok anak lanang yang serupo jugo mérép nian dengen dio. Budak tu dinamoinyo Set. 4 Seabés Set laér, Adam masé édóp 800 taón lagi. Dio punyo anak-anak lanang jugo anak-anak betino laénnyo. 5 Jadi, Adam édóp selamo 930 taón, trós dio mati.

6 Pas Set beómór 105 taón, Enos laér óntók dio. 7 Seabés Enos laér, Set masé édóp 807 taón lagi. Dio punyo anak-anak lanang jugo anak-anak betino laénnyo. 8 Jadi, Set édóp selamo 912 taón, trós dio mati.

9 Pas Enos beómór 90 taón, Kenan laér óntók dio. 10 Seabés Kenan laér, Enos masé édóp 815 taón lagi. Dio punyo anak-anak lanang jugo anak-anak betino laénnyo. 11 Jadi, Enos édóp selamo 905 taón, trós dio mati.

12 Pas Kenan beómór 70 taón, Mahalalel laér óntók dio. 13 Seabés Mahalalel laér, Kenan masé édóp 840 taón lagi. Dio punyo anak-anak lanang jugo anak-anak betino laénnyo. 14 Jadi, Kenan édóp selamo 910 taón, trós dio mati.

15 Pas Mahalalel beómór 65 taón, Yared laér óntók dio. 16 Seabés Yared laér, Mahalalel masé édóp 830 taón lagi. Dio punyo anak-anak lanang jugo anak-anak betino laénnyo. 17 Jadi, Mahalalel édóp selamo 895 taón, trós dio mati.

18 Pas Yared beómór 162 taón, Henok laér óntók dio. 19 Seabés Henok laér, Yared masé édóp 800 taón lagi. Dio punyo anak-anak lanang jugo anak-anak betino laénnyo. 20 Jadi, Yared édóp selamo 962 taón, trós dio mati.

21 Pas Henok beómór 65 taón, Metusala laér óntók dio. 22 Seabés Metusala laér, Henok behóbóngan deket samo Allah^* selamo 300 taón. Dio punyo anak-anak lanang jugo anak-anak betino laénnyo. 23 Jadi, Henok édóp selamo 365 taón. 24 Henok^c bejalan besamo Allah, trós dio idak tejingok lagi karno Allah la ngangkatnyo.

25 Pas Metusala beómór 187 taón, Lamek laér óntók dio. 26 Seabés Lamek laér, Metusala masé édóp 782 taón lagi. Dio punyo anak-anak lanang jugo anak-anak betino laénnyo. 27 Jadi, Metusala édóp selamo 969 taón, trós dio mati.

28 Pas Lamek beómór 182 taón, sikok anak lanang laér óntók dio. 29 Lamek namoi budak tu Nuh,^d ujinyo, “Budak ni bakal ngenjók penghébóran óntók kito dalem pasal gawean jugo susa paya kito karno tana yang la dikótók Allahyhwh.” 30 Seabés Nuh laér, Lamek masé édóp 595 taón lagi. Dio punyo anak-anak lanang jugo anak-anak betino laénnyo. 31 Jadi, Lamek édóp selamo 777 taón, trós dio mati.

32 Pas Nuh beómór 500 taón, Sem, Ham, jugo Yapet laér óntók dio.