10
Manusio tesebar di bumi
1 Inila daptar ketórónan Sem, Ham, samo Yapet, anak-anak Nuh. Seabés banjér besak tu, laérla anak-anak óntók dio wong.
Daptar ketórónan Yapet
2 Anak-anak Yapet iola:
Gomer, Magog, Madai, Yawan, Tubal, Mesek, jugo Tiras.
3 Anak-anak Gomer iola:
Askenas, Ripat, jugo Togarma.
4 Anak-anak Yawan iola:
Elisa, Tarsis, Kitim, jugo Dodanim.*
5 Dari dio wong nila bangso-bangso daera pénggér laót tesebar di tana dio wong dewek, maséng-maséng nórót baso, golongan kluargo, jugo bangso dio wong.
Daptar ketórónan Ham
6 Anak-anak Ham iola:
Kus, Mesir*, Put, jugo Kanaan.a
7 Anak-anak Kus iola:
Seba, Hawila, Sabta, Raema, jugo Sabteka.
Anak-anak Raema iola:
Syeba jugo Dedan.
8 Kus ni iola abanyo Nimrod, wong perkasa petamo di bumi. 9 Dio tu iola pemburu yang perkasa di adepan Allahyhwh.* Karno itula, wong-wong ngomong cak ini, “Pecak Nimrod, pemburu yang perkasa di adepan Allahyhwh.” 10 Mulo-mulo kerajaannyo Nimrod temasók Babel, Erek, Akad, jugo Kalneb di Tana Sinear. 11 Dari tana tuc dio pegi ke Asyur trós mbangón Kota Niniwe*, Kota Rehobot-Ir, Kota Kala, 12 jugo Kota Resen, yang letaknyo di antaro Kota Niniwe samo Kota Kala, yang iola kota besak.d
13 Mesir ni iola nenek moyang wong Ludim, wong Anamim, wong Lehabim, wong Naptuhim, 14 wong Patrusim, wong Kasluhim (yang iola nenek moyang wong Pilistin), jugo wong Kaptorim.
15 Kanaan ni punyo anak lanang petamo yang benamo Sidon, trós anak lanang laénnyo benamo Het. 16 Anak-anak Kanaan yang laénnyo iola wong Yebusi, wong Amori, wong Girgasi,e 17 wong Hewi, wong Arki, wong Sini, 18 wong Arwadi, wong Semari, jugo wong Hamati.
Abés tu, tesebarla golongan kluargo wong Kanaan tu. 19 Jadi daera wong Kanaan ni tebentang dari Kota Sidon ke ara Kota Gerar sampe ke Gasa, trós ke ara Sodom, Gomora, Adma, samo Jeboim, sampe ke Lasa.
20 Na, itula ketórónan Hamf nórót golongan kluargo, baso, negri, jugo bangso dio wong.
Daptar ketórónan Sem
21 Laérla jugo anak-anak óntók Sem, yang iola kakaknyo Yapet. Sem iola nenek moyang dari slóró anak-anak Eber.
22 Anak-anak Sem iola:
Elam, Asyur, Arpaksad, Lud, samo Aram.
23 Anak-anak Aram iola:
Us, Hul, Geter, jugo Mas.
24 Arpaksad iola abanyo Selah.g Trós, Selah ni punyo anak benamo Eber.
25 Duo anak lanang laér óntók Eber. Sikok benamo Peleg,h soalnyo pas jamannyo tu bangso-bangso di dunio ni tebagé-bagé. Trós, adéknyo ni benamo Yoktan.
26 Yoktan iola abanyo Almodad, Selep, Hajar-Mawet, Yera, 27 Hadoram, Ujal, Dikla, 28 Obal, Abimael, Syeba, 29 Opir, Hawila, samo Yobab. Galo-galonyo tu iola ketórónan Yoktan. 30 Daera tempat tinggal dio wong ni tebentang dari Mesa sampe ke ara Separ, iola daera pegónóngan di sebela timur.
31 Na, itula ketórónan Sem, nórót golongan kluargo, baso, negri, jugo bangso dio wong.
32 Itula daptar golongan kluargo anak-anak Nuh, nórót ketórónan jugo bangso dio wong. Jadi, dari dio wong nila bangso-bangso tesebar di bumi seabés banjér besak.