1 Rajo Ahasweros netepke upeti di slóró daera kekuasoannyo, mulai dari daratan sampe ke pulau-pulau.^a 2 Galo-galo pebuatan yang besak jugo hebat yang dilakuke rajo tu, jugo cerito pasal dio ngangkat Mordekai jadi pejabat tinggi, galo-galonyo tu tetólés dalem Kitab Sejara Rajo-Rajo Media jugo Persia. 3 Ahérnyo, Mordekai, wong Israel tu, jadi wong keduo di bawa Rajo Ahasweros. Na, dio ni wong besak di antaro wong Israel jugo disenengi ole banyak sanak dólórnyo, soalnyo dio ni ngusahake kebaék'an jugo kedamaian yang sentoso óntók bangsonyo.^b