SAÉR NYANYIAN
[PERSI AWAL]
1
Jalan kebeneran itula yang mbékén seneng
1 Senengla ati wong yang
idak bejalan dalem anjóran wong jahat,
idak tegak dalem jalan wong beduso,
trós idak dódók dalem kómpólan wong yang galak ngino segalo yang baék;
2 melaénke dalem ajaran Allahyhwh iola kesenengannyo,
trós ajaran-Nyo dio renóngke siang malem.a
3 Wong tu pecak pohonb yang ditanem di pénggér aléran banyu,
yang bebua pas mósémnyo,
trós daónnyo idak layu;
slóró yang dio gaweke berasél.
4 Idak cak itu dengen wong jahat,
melaénke dio pecak kólét padi yang dibuyarke angin.
5 Karno itula wong jahat dak bakal tahan ngadepi pengadélan Allah,
jugo wong beduso dalem kelompok wong bener.
6 Soalnyo Allahyhwh nyago jalan wong bener,
tapi jalan wong jahat nuju kematian.