2
Pengangkatan rajo yang dilanték Allaha
1 Ngapo bangso-bangso ni sekongkol,
trós ngapo suku-suku bangso ngerencanoke pasal yang sio-sio?
2 Rajo-rajo dunio besiap-siap,
trós pejabat-pejabat beróndéng
ngelawan Allahyhwh jugo rajo yang dilanték-Nyo, ujinyo,
3 “Payó kito pótóske belenggu-belenggu yang dio wong pasang ke kito
trós buangke rante-rante dio wong dari kito!”
4 Dio yang bekuaso di surgo ketawo.
Iyo! Tuan kito ngino dio wong.
5 Laju Dio ngomong dengen manas,
trós dengen kemarahan-Nyo Dio nakótke dio wong, uji-Nyo,
6 “Aku ni la ngangkat rajo Aku
di Sion, bókét Aku yang suci!”
7 Aku nak ngómómke pasal kepótósan Allahyhwh.
Dio ngomong samo aku, “Kaula anak Aku.
Ari nila Aku jadi Aba kau.
8 Mintakla samo Aku,
trós Aku bakal ngenjókke bangso-bangso jadi warésan kau,
trós sampe ójóng bumi jadi punyo kau.
9 Kau bakal ngancórke bangso-bangso tu makek tongkat besi,
trós ngeremókke dio wong pecak guci tukang keramék.”
10 Karno itu, ói rajo-rajo, bebuatla yang bijak!
Terimola peringetan ni, ói penguaso-penguaso dunio!
11 Layanila Allahyhwh dengen takót,
trós pujila dengen gemeter.
12 Sójódla dengen tólósb
supayo Dio idak mara, trós kau idak mati ngejót,c
olenyo gancang nian Dio naék dara.
Senengla ati slóró wong yang beléndóng samo Dio!