3
Nyanyian pagi ngadepi mósó
1 Saér nyanyian Daód, pas dio lari dari Absalom, anaknyo.a
2 Ya Allahyhwh, alangke banyaknyo mósó aku ni!
Banyak yang bangkét ngelawan aku!
3 Banyak yang ngomongi aku,
“Katek keselametan óntók dio dari Allah!” Selah
4 Tapi Kau, ya Allahyhwh, iola tameng yang ngeléléngi aku.
Kaula kemulyoan aku jugo yang ngangkat palak aku.
5 Aku bejerét samo Allahyhwh dengen nyaréng,
trós Dio nyawab aku dari bókét suci-Nyo. Selah
6 Aku góléngan, tédók, trós bangón,
karno Allahyhwh nopang aku!
7 Aku idak takót samo pólóan ribu wong
yang ngepóng aku.
8 Bangkétla, ya Allahyhwh!
Selametkela aku, ya Tuhan aku!
Iyo, Kau goco rahang slóró mósó aku
trós matake gigi wong-wong jahat.
9 Keselametan dateng dari Allahyhwh!
Berkah Kau óntók umat Kau! Selah