4
Nyanyian pecayo samo Allah dalem iman
1 Catetan óntók pemémpén pujian: Saér ni diéréngi kecapi. Saér nyanyian Daód.
2 Ya Allah, pembelaku,
jawabla aku pas aku bejerét.
Pas aku dalem kesesekan, Kau mbékén aku lego.
Mura atila samo aku trós dengerkela doa aku!
3 Ói wong-wong besak,a sampe kapan kamu ngino kehormatan aku?
Sampe kapan kamu nyenengi pasal yang sio-sio
trós nyari kebohongan? Selah
4 Ketauila amen Allahyhwh la ngósóske wong além óntók Dio dewek!
Allahyhwh bakal ndenger pas aku bejerét samo Dio.
5 Gemeterla kamu, trós janganla bebuat duso!
Ngerenóngla di jeró ati kau di tempat tédók kau,
trós tetepla diem. Selah
6 Sembakela kórban sembeléhan yang bener,
trós pecayola samo Allahyhwh.
7 Banyak wong ngomong, “Siapo bakal nónjókke kebaék'an samo kito?”
Ya Allahyhwh, biarla cahayo rai Kau nyinari kami!
8 Kau la ngenjókke kesenengan di jeró ati aku,
lebé daripado kesenengan wong pas gendóm jugo anggór melimpa.
9 Dengen tenang aku bakal bególéng trós tédók,
soalnyo cuman Kaula, ya Allahyhwh, yang mbékén aku netep dengen aman.