5
Doa mintak peléndóngan pas pagi ari
1 Catetan óntók pemémpén pujian: Saér ni diéréngi sóléng. Saér nyanyian Daód.
2 Dengerkela omongan aku, ya Allahyhwh;
peratikela réntéan aku!
3 Dengerkela suaro aku mintak tolong,
ya Rajo aku jugo Tuhan aku,
karno samo Kaula aku bedoa.
4 Ya Allahyhwh, pas pagi ari Kau denger suaro aku.
Pas pagi ari aku ngatór óntók Kau
trós nunggu.
5 Soalnyo Kau tu bukan Tuhan yang seneng dengen kejahatan.
Wong jahat dak pacak tinggal dengen Kau.
6 Wong sombong dak bakal tahan pas diselédék'i Kau.a
Kau mbenci galo-galo wong yang bebuat jahat.
7 Kau ngancórke wong-wong yang bebohong.
Allahyhwh nganggep kejem penumpa dara jugo penipu.
8 Tapi aku, karno sangkéng banyaknyo kasé stio Kau,
aku bakal masók ke jeró ruma Kau,
trós sójód ke ara Ruma Agóng Kau yang suci, dengen takót samo Kau.
9 Ya Allahyhwh, pémpénla aku dalem kebeneran Kau ole karno mósó-mósó aku;
arakela aku di jalan Kau.b
10 Soalnyo, katek yang bener di mólót dio wong;
ati dio wong penu kebósók'an.
Tenggorokan dio wong pecak kóbóran yang temangap;
lida dio wong licik.
11 Ya Allahyhwh, hókómla dio wong;
biarla dio wong nyampak karno rencano dio wong dewek!
Ósérla dio wong, karno sangkéng banyaknyo pelanggaran dio wong,
karno dio wong la durhako samo Kau.
12 Tapi sekironyo galo-galo wong yang beléndóng samo Kau beseneng,
trós biarkela dio wong besorak-sorak selamo-lamonyo!
Tódóngila dio wong,
supayo wong-wong yang ngaséhi namo Kau
pacak beseneng-seneng karno Kau.
13 Soalnyo Kau mberkahi wong bener, ya Allahyhwh.
Pecak tameng, Kau ngeléndóngi dio wong dengen kebaék'an Kau.