6
Doa pas kesaroan
1 Catetan óntók pemémpén pujian: Saér ni diéréngi kecapi. Dinyanyike nórót syeminit.a Saér nyanyian Daód.
2 Ya Allahyhwh, janganla Kau hókóm aku dalem kemarahan Kau,
trós jangan hajar aku dalem kegereman Kau.
3 Mura atila samo aku, ya Allahyhwh,
karno aku lemes.
Sembókela aku, ya Allahyhwh,
karno tulang-tulang aku gemeter,
4 jugo jiwo aku ketakótan nian.
Trós Kau, ya Allahyhwh, berapo lamo lagi?
5 Ya Allahyhwh, balékla trós selametkela jiwo aku!
Bebaskela aku karno kasé stio Kau.
6 Soalnyo dalem kematian katek lagi ingetan pasal Kau,
trós dalem alam kóbór, siapo nian yang pacak ngucapke sókór samo Kau?
7 Aku loyo dalem réntéan aku.
Sepanjang malem aku mbanjéri tempat tédók aku,
trós dengen banyu mato, aku mbasai kasór aku.
8 Mato aku sembeb karno sedé,
trós jadi rabón karno banyaknyo mósó yang nyerang aku.
9 Njaóla dari aku, ói galo-galo yang bebuat jahat,
karno Allahyhwh la ndenger suaro tangisan aku.
10 Allahyhwh la ndenger pintak'an aku.
Allahyhwh nerimo doa aku.
11 Galo-galo mósó aku bakal dipermaluke trós bakal ketakótan nian;
dio wong bakal balék trós dipermaluke dalem sekejep.