7
Doa mintak keadélan dari Allah, Hakém yang bener
1 Syigayona Daód yang dinyanyikenyo óntók Allahyhwh pasal Kusb wong Benyamin.
2 Ya Allahyhwh, ya Tuhanku, samo Kaula aku beléndóng.
Selametkela aku dari slóró wong yang ngejer aku;
bebaske aku,
3 supayo dio wong dak nyakar aku pecak singo
trós ngoyak-ngoyak aku, sementaro dak katek yang bebaske.
4 Ya Allahyhwh, ya Tuhanku, amen aku lakuke ini,
amen ado pebuatan yang dak adél dalem tangan aku,
5 amen aku bebuat jahat samo wong yang édóp damai dengen aku,
apo aku ngerampasi mósó aku tanpa alesan,c
6 biarla mósó aku ngejer trós nangkep aku,
nginjek-nginjek édóp aku sampe ke tana,
trós némbón kehormatan aku di dalem debu. Selah
7 Ya Allahyhwh, bangkétla dalem kemarahan Kau!
Tegakla adepi amók'an mósó-mósó aku!
Bangkétla óntók aku!
Kau la mrénto keadélan.
8 Biarla kómpólan bangso dateng ngadep Kau,
trós bekuasola di pócók dio wong di tempat yang tinggi.
9 Allahyhwh ngadéli bangso-bangso.
Ya Allahyhwh, hakémila aku
sesuai dengen kebeneran aku jugo ketólósan ati aku.
10 Kironyo kejahatan wong jahat beahér,
trós tegakkela wong bener,
ya Kau yang nguji ati jugo batén, Allah Yang Maha Bener.
11 Tameng aku iola Allah,
yang nyelametke wong yang lórós ati.
12 Allah iola hakém yang bener,
trós Dio iola Tuhan yang tiap ari nónjókke kemarahan-Nyo.
13 Amen wong dak betobat, Allah bakal ngasa pedang-Nyo,
Dio la ngelentórke bósór-Nyo trós mbékénnyo siap.
14 Dio la nyiapke diri-Nyo dengen senjato-senjato yang mematike,
jugo mbékén anak-anak pana-Nyo beapi-api.
15 Jingokla! Wong tu bónténg kejahatan,
ngandóng kekejeman,
trós ngelaérke kebohongan.
16 Dio gali lobang trós dikedóknyo,
trós dio nyampak dewek ke jeró lobang yang la dibékénnyo.
17 Kekejemannyo bakal bebalék nimpo palaknyo dewek,
trós kekerasannyo bakal tórón ke pócók óbón-óbónnyo.
18 Aku bakal ngucap sókór samo Allahyhwh karno kebeneran-Nyo,
trós aku bakal nyanyike puji-pujian óntók namo Allahyhwh Yang Maha Besak.