25
Doa mintak peléndóngan jugo bémbéngan Allaha
1 Dari Daód.
Ya Allahyhwh, aku ngangkat doab aku ke Kau.
2 Ya Tuhan aku, samo Kaula aku pecayo.
Jangan biarke aku dipermaluke.
Jangan biarke mósó-mósó aku beseneng-seneng karno aku,
3 jugo jangan biarke wong-wong yang nunggui Kau dipermaluke,
tapi biarkela wong yang behianat dengen dak bealesan dipermaluke.
4 Ya Allahyhwh, enjók taukela jalan-jalan yang nyenengke Kau.
Ajari aku caro-caro Kau.
5 Pémpénla aku dalem kebeneran Kau trós ajarke aku,
karno Kaula Tuhan yang nyelametke aku.
Aku nunggu-nunggui Kau siang malem.
6 Ya Allahyhwh, ingetla pasal belas kesian Kau jugo kasé stio Kau,
karno pasal-pasal tu la ado dari jaman bingen.
7 Janganla Kau inget kesalahan-kesalahan aku,
jugo duso-duso aku pas masé mudo,
tapi ingetla aku sesuai dengen kasé stio Kau
karno kebaék'an Kau, ya Allahyhwh.
8 Allahyhwh tu baék jugo lórós,
mangkonyo Dio ngajarke jalan-Nyo ke wong beduso.
9 Dio mbémbéng wong yang renda ati dalem keadélan,
trós Dio ngajarke jalan-Nyo ke wong yang renda ati.
10 Slóró jalan Allahyhwh iola kasé stio jugo kebeneran
óntók wong-wong yang nyekel pejanjian-Nyo jugo peratóran-Nyo.
11 Ya Allahyhwh, karno namo baék Kau, ampónila kesalahan aku,
soalnyo besak kesalahan tu.
12 Siapo bae yang takót samo Allahyhwh,
Allah bakal nónjókke jalan yang harós dipélényo.
13 Wong tu bakal tinggal dalem kemakmóran,
trós ketórónannyo bakal ngewarési bumi.
14 Allahyhwh bekawan baék samo wong yang takót samo Dio,
trós pejanjian-Nyo dienjóktauke-Nyo ke dio wong.
15 Mato aku terós-terósan jingok Allahyhwh
karno Dio bakal metuke sekel aku dari jaréng.
16 Tolela aku trós mura atila samo aku
karno aku saro jugo dewek'an.
17 Pendritoan di ati aku makén besak.
Gawakla aku metu dari kesesekan aku.
18 Jingokla kesaroan samo kesusahan aku,
trós ampónila slóró duso aku.
19 Jingokla mósó aku, karno banyak nian.
Dio wong mbenci aku dengen kebencian yang kejem.
20 Jagola jiwo aku, trós lepaskela aku.
Jangan biarke aku dipermaluke,
soalnyo aku beléndóng samo Kau.
21 Biarla ketólósan jugo kebeneran nyagoi aku,
soalnyo aku nunggui Kau.
22 Ya Allah, tebósla wong Israel dari segalo kesaroan.