26
Doa mintak keadélan dari Allahyhwh
1 Dari Daód.
Ya Allahyhwh, enjókla keadélan ke aku,
karno aku ni la bejalan dengen ketólósan ati.
Samo Allahyhwh aku pecayo; aku dak ragu.
2 Selédék'ila aku, ya Allahyhwh, trós coboila aku.
Ujila batén samo ati aku,
3 karno kasé stio Kau ado di adepan mato aku,
trós aku bakal bejalan dalem kebeneran Kau.
4 Aku idak dódók samo wong yang galak ngolai,
jugo idak melok samo wong yang munapék.
5 Aku benci kómpólan wong yang bebuat jahat,
aku jugo idak dódók samo wong bejat.
6 Aku basó tangan aku tando idak besala,
abés tu ngeléléngi mesbaa Kau, ya Allahyhwh,
7 óntók nyiarke ucapan sókór,
jugo nyeritoke slóró pebuatan Kau yang ajaéb.
8 Ya Allahyhwh, aku cinto samo Ruma tempat Kau tinggal,
iola Kemah di mano kemulyoan Kau netep.
9 Janganla ambék nyawo aku besamo dengen wong-wong beduso tu,
apo dak tu édóp aku besamo dengen pembunu,
10 yang dalem tangannyo ado niat jahat,
trós yang tangan kanannyo penu dengen sogok'an.
11 Tapi aku ni bakal bejalan dengen ketólósan ati.
Selametkela aku jugo mura atila samo aku.
12 Sekel aku tegak di tempat yang rato.
Dalem jemaah, aku bakal muji Allahyhwh.