37
Naséb wong jahat samo naséb wong bener
1 Dari Daód.
Jangan mara karno wong jahat,
jangan iri samo wong yang bebuat duso;
2 soalnyo dio wong bakal gancang keréng pecak rómpót,
trós layu pecak tómbó-tómbóan ijo.
3 Pecayola samo Allahyhwh, trós lakukela yang baék!
Netepla di tana ni,a trós tómbókela kestioan!
4 Senengila Allahyhwh,
trós Dio bakal ngenjókke kepéngénan ati kau.
5 Serakela jalan kau ke Allahyhwh!
Pecayola samo Allah, trós Dio bakal betindak.
6 Allah bakal nyatoke kebeneran kau pecak cahayo;
keadélan kau bakal besinar pecak terang tenga ari.
7 Tenang baela di adepan Allahyhwh, trós tunggukela Dio.
Jangan mara karno wong yang jadike jalannyo berasél
dengen rencano jahat!
8 Berentila naék dara, trós tinggalkela panas ati!
Jangan mara; itu tu cuman ndatengke kejahatan.
9 Soalnyo, wong-wong yang bebuat jahat bakal dilenyepke,
tapi wong-wong yang nunggu-nungguke Allahyhwh bakal ngewarési tana ni.
10 Dak lamo lagi, wong jahat bakal dak katek lagi;
pas kau masati tempatnyo, dio bakal dak katek lagi.
11 Tapi wong yang renda ati bakal ngewarési tana nib
jugo beseneng dalem damai sentoso yang melimpa-limpa.
12 Wong jahat besiasat nak nyelakoi wong bener
trós melototc ke wong bener tu.
13 Tapi Tuan kito ngetawoi wong jahat tu,
soalnyo Dio nyingok amen ari wong jahat tu bakal dateng.
14 Wong-wong jahat nyabót pedang trós nyiapke bósórnyo
óntók mbunu wong yang saro jugo méskén,
óntók nyembelé wong yang édópnyo lórós.
15 Pedang dio wong bakal nuja dadonyo dewek,
trós bósór-bósórnyo bakal dipatake.
16 Lebé baék sedikit yang dimélék'i wong bener
daripado kelimpahan yang dimélék'i banyak wong jahat.
17 Soalnyo tangan kekuasoan wong jahat bakal dipatake,
tapi Allahyhwh nopang wong bener.
18 Allahyhwh miaro édóp wong yang tólós,
trós warésan dio wong bakal ado óntók selamo-lamonyo.
19 Dio wong dak bakal dipermaluke pas masa kesaroan,
jugo pas masa kelaperan dio wong bakal dikenyangke.
20 Tapi wong jahat bakal binaso,
trós mósó-mósó Allahyhwh bakal lenyep pecak kembang cindó di padang.d
Dio wong ilang;
iyo, pecak asep dio wong ilang.
21 Wong jahat minjem dóét, trós idak dibalékkenyo lagi,
tapi wong bener mura ati jugo seneng ngenjók.
22 Sebenernyo, wong yang diberkahi Allah bakal ngewarési tana ni,
tapi wong yang dikótók-Nyo bakal dilenyepke.
23 Allahyhwh netepke langka-langka wong yang jalannyo disenengi-Nyo.e
24 Amen dio nyampak, idak bakal sampe tekapar,
soalnyo Allahyhwh nopang dio dengen nyekel tangannyo.
25 Dulu aku mudo, sekarang aku la tuo,
tapi aku dak perna nyingok wong bener ditinggalke,
apo anak cócóngnyo ngemis mintak pajóan.
26 Sepanjang ari dio nónjókke kemurahan atinyo jugo ngenjók pinjeman,
trós anak cócóngnyo jadi berkah.
27 Jaóila yang jahat, trós lakukela yang baék,
mangko kau bakal netep di tana ni selamo-lamonyo.
28 Soalnyo Allahyhwh cinto keadélan,
trós Dio idak ninggalke wong-wong além-Nyo.
Dio wong bakal diléndóngi selamo-lamonyo,
tapi ketórónan wong jahat bakal dilenyepke.
29 Wong-wong bener bakal ngewarési tana ni,
trós tinggal di situ sampe selamo-lamonyo.
30 Mólót wong bener ngucapke hikmah,
trós lidanyo ngomongke keadélan.
31 Ajaran Tuhannyo ado di jeró atinyo;
sekelnyo dak bakal tepleset.
32 Wong jahat ngincer wong bener,
trós nyari caro óntók mbununyo.
33 Tapi Allahyhwh dak bakal nyerake dio ke tangan wong jahat,
apo mbiarke dio dinyatoke besala pas diadéli.
34 Tunggukela Allahyhwh, trós melok'ila jalan-Nyo,
mangko Dio bakal ninggike kau óntók ngewarési tana ni,
trós kau bakal nyingok wong-wong jahat dilenyepke.
35 Aku perna nyingok wong jahat yang kejem
tómbó besak pecak pohon rindang di daera asalnyo.f
36 Tapi pas aku liwat, jingokla! Dio dak katek lagi!
Aku nyarinyo, tapi dio idak ditemuke.
37 Pasatila wong yang bener, trós jingokla wong yang lórós,
soalnyo ado masa depan óntók wong yang seneng damai.
38 Tapi wong-wong beduso bakal dibinasoke besamo-samo,
trós masa depan wong jahat bakal dilenyepke.
39 Keselametan wong-wong bener iola dari Allahyhwh.
Diola bentengnyo pas waktu kesesekan.
40 Allahyhwh nolong trós ngelepaske dio wong.
Dio ngelepaskenyo dari wong-wong jahat jugo nyelametke dio wong
karno dio wong beléndóng samo Allah.