40
Doa sókór mintak petolongan Allah
1 Catetan óntók pemémpén pujian: Saér nyanyian ni dari Daód.
2 Dulu aku nunggu-nungguke Allahyhwh.
Dio bebalék ke aku.
Dio ndenger jerétan aku mintak tolong.
3 Laju Dio naékke aku dari lobang begemóró,
dari lómpór lebak.
Dio narok sekel aku di tempat yang kokoh jugo aman,
di pócók gónóng batu.
Dio negóke langka-langka aku.
4 Dio ngenjók nyanyian baru di jeró mólót aku,
iola puji-pujian óntók Tuhan kito.
Banyak wong bakal nyingok trós takót
laju pecayo samo Allahyhwh.
5 Senengla ati wong
yang narok kepecayoannyo samo Allahyhwh,
yang idak bebalék ke segalo yang sombong
apo nyimpang melok'i yang palsu.
6 Ya Allahyhwh, ya Tuhanku, banyak pasal yang la Kau lakuke,
pebuatan Kau yang ajaéb jugo rencano Kau óntók kami!
Katek yang pacak nyamoi Kau!
Aku nak nyatoke jugo mbritokenyo,
tapi keliwat banyak óntók diétóng.
7 Bukan kórban jugo pesembahan yang Kau senengi,
melaénke Kau la ngenjók aku sepasang kópéng yang tebukak.a
Kórban bakaran jugo kórban pengapós duso idak Kau tóntót.
8 Laju ngomongla aku cak ini, “Inila aku!
Yang la tetólés dalem gólóngan kitab tu iola óntók aku.
9 Ya Tuhanku, ngelakuke kendak Kau iola kesenengan aku,
trós ajaran Kau ado di jeró ati aku.”
10 Aku la mbritoke kabar baék pasal keadélan samo jemaah yang besak.
Jingokla! Aku idak nahan bébér aku, ya Allahyhwh, Kau jugo tau!
11 Keadélan Kau idak aku singiti di jeró ati aku;
kestioan Kau jugo keselametan dari Kau, aku ceritoke.
Aku idak ngeresioke kasé stio Kau jugo kebeneran Kau
dari jemaah yang besak.
12 Ya Allahyhwh, janganla Kau tahan belas kesian Kau dari aku;
biarla kasé stio Kau jugo kebeneran Kau terós-terósan nyagoi aku.
13 Soalnyo celako yang idak teétóng banyaknyo ngepóng aku.
Kesalahan-kesalahan aku nangkep aku
sampe-sampe aku dak pacak nyingok;
jumlanyo lebé banyak dari rambót di palak aku,
sampe-sampe aku pótós aso.
14 bYa Allahyhwh, aku mintak nian, lepaskela aku!
Ya Allahyhwh, gancangla tolong aku!
15 Biarla wong-wong yang ngejer nyawo aku
besamo-samo dipermaluke trós dihino.
Biarla wong-wong yang seneng aku celako
bebalék lari trós direndake.
16 Biarla wong-wong yang ngatoi aku, “Sókórla, sókórla!”
tediem karno malu.
17 Biarla slóró wong yang ngejer Kau
beseneng trós besorak karno Kau.
Biarla wong-wong yang cinto keselametan dari Kau terós-terósan ngomongke,
“Allahyhwh Maha Besak!”
18 Aku ni saro jugo méskén;
kironyo Tuanku meratike aku.
Kaula penolong aku jugo pembebas aku;
janganla belambat-lambat, ya Tuhanku!