41
Doa mintak kesembóan
1 Catetan óntók pemémpén pujian: Saér nyanyian ni dari Daód.
2 Senengla ati wong yang ngesiani wong méskén!
Allahyhwh bakal ngelepaskenyo pas ari sialnyo.
3 Allahyhwh bakal ngeléndóngi jugo miaro nyawonyo.
Dio bakal disebót wong seneng di bumi,
trós Kau dak bakal nyerake dio ke tangan mósó-mósónyo.
4 Allahyhwh bakal nguatke dio di ranjangnyo pas sakét,
trós di tempat tédóknyo Kau póléke dio dari sakétnyo.
5 Uji aku ni, “Ya Allahyhwh, mura atila samo aku!
Sembókela aku, karno aku la beduso samo Kau.”
6 Mósó-mósó aku ngomong jahat pasal aku, cak ini,
“Kapanla dio bakal mati trós namonyo ilang?”
7 Pas dateng jingok, dio nónjókke kemunapékan.
Atinyo nyósón pitnahan,
abés tu dio metu trós nyeritokenyo di jalan.
8 Slóró wong yang mbenci aku samo-samo bebésék pasal aku,
dio wong ngerencanoke kejahatan pasal aku, ujinyo,
9 “Penyakét yang mematike la nimpo dio.
Pas dio tédók, dio dak bakal bangón lagi.”
10 Sampe-sampe kawan baék yang aku pecayoi,
yang makan roti samo-samo aku,
la ngangkat sekelnyo ngianati aku.a
11 Tapi Kau, ya Allahyhwh, mura atila samo aku, trós bangkétkela aku,
supayo aku pacak mbales dio wong!
12 Inila caro aku tau Kau seneng samo aku:
karno mósó aku dak pacak nyorak-nyorak'i aku.
13 Aku Kau topang karno ketólósan ati aku,
trós Kau nempatke aku di adepan Kau óntók selamo-lamonyo.
14 Tepujila Allahyhwh, Tuhannyo Israel,
dari selamo-lamonyo sampe selamo-lamonyo!
“Iyo, kami ngamininyo!”