127
Allah yang nyedioke óntók ruma tanggo
1 Nyanyian wong Israel pas naék nuju ke Ruma Agóng Allah. Dari Suleiman.
Amen bukan Allahyhwh yang mbangón ruma,
sio-siola wong yang mbangónnyo susa paya.
Amen bukan Allahyhwh yang nyago kota,
sio-siola pengawal bejago-jago.
2 Sio-siola kamu gancang bangón
trós telat tédók,
trós makani asél susa paya,
karno Dio ngenjókkenyo samo yang dikaséhi-Nyo pas dio wong tédók.a
3 Jingokla, budak-budak iola warésan dari Allahyhwh,
trós bua ati iola pahalo.
4 Samo pecak anak-anak pana di tangan pejuang,
pecak itula budak-budak lanang yang dilaérke pas kito mudo.
5 Senengla ati wong yang tabóng pananyo dipenui dengen dio wong tu.
Dio dak bakal dipermaluke
pas ngadepi lawan-lawannyo di jeró gerbang kota.b