128
Berkah óntók wong yang takót samo Allah
1 Nyanyian wong Israel pas naék nuju ke Ruma Agóng Allah.
Senengla ati tiap wong yang takót samo Allahyhwh,
trós yang bejalan di jalan-Nyo.
2 Pastila kau bakal makan asél dari tangan kau.
Kau bakal seneng, trós keadaan kau bakal baék.
3 Bini kau bakal jadi pecak batang anggór yang bebua lebet
di jeró ruma kau,
trós anak-anak kau pecak tunas batang jaitun
di sekeléléng meja kau.
4 Sebenernyo pecak itula bakal diberkahi
lanang yang takót samo Allahyhwh.
5 Kironyo Allahyhwh mberkahi kau dari Sion,
sampe-sampe kau jingok kemakmóran Yerusalem
seómór édóp kau,
6 trós kau jingok anak cócóng kau!
Damai sentosa óntók Israel!