138
Nyanyian ucapan sókór karno kasé stio Allah
1 Dari Daód.
Aku nak ngucap sókór samo Kau dengen sepenu ati aku.
Aku nak nyanyike puji-pujian óntók Kau di adepan mahlók-mahlók surgawi.
2 Aku nak sójód nyemba ke ara Ruma Agóng Kau yang suci.
Aku ngucap sókór samo namo Kau
karno kasé Kau jugo karno kestioan Kau,
soalnyo Kau la nepati omongan Kau, ngelebéi namo baék Kau dewek.a
3 Pas ari aku bejerét, Kau nyawab aku,
trós Kau negóke jiwo aku dengen kekuatan.
4 Slóró rajo di bumi bakal ngucap sókór samo Kau, ya Allahyhwh,
soalnyo dio wong la ndenger omongan dari bébér Kau.
5 Dio wong bakal nyanyi pasal pebuatan Allahyhwh
karno besak kemulyoan Allahyhwh.
6 Mugola Allahyhwh di tempat tinggi, Dio nyingok wong yang renda,
trós wong yang sombong dikenal-Nyo dari jaó.
7 Pas aku bejalan dalem kesesekan,
Kau nopang édóp aku.
Kau ngólórke tangan Kau ngelawan kemarahan mósó-mósó aku,
trós tangan kanan Kau nyelametke aku.
8 Allahyhwh bakal nyelesaike slóró rencano-Nyo óntók aku.
Ya Allahyhwh, kasé stio Kau sampe selamo-lamonyo;
jangan perna ninggalke békénan tangan Kau.