148
Pujila Allah, ói surgo samo bumi!
1 Pujila Allahyhwh!
Pujila Allahyhwh dari surgo,
pujila Dio, di tempat yang tinggi!
2 Pujila Dio, ói slóró malekat-Nyo,
pujila Dio, ói slóró pasókan surgo!a
3 Pujila Dio, ói matoari samo bulan,
pujila Dio, ói slóró bintang yang besinar!
4 Pujila Dio, ói langét yang paléng tinggi,
jugo banyu di langét!
5 Biarla slórónyo tu muji namo Allahyhwh,
soalnyo Dio ngenjók prénto, laju segalonyo tu tecipto.b
6 Dio nentuke tempatnyo óntók seterósnyo jugo selamo-lamonyo
trós ngatórnyo dengen hókóm alam semesto yang dak pacak ilang.
7 Pujila Allahyhwh dari bumi,
ói ulo-ulo nago jugo slóró laótan;
8 ói api, ujan batu, salju, samo kabót,
jugo angin badai yang ngelakuke prénto-Nyo;
9 gónóng-gónóng samo slóró bókét,
batang bua-buahan jugo slóró pohon rindang;c
10 binatang liar samo slóró ternak,
binatang ngerayap jugo bóróng-bóróng yang besayap;
11 rajo-rajo di bumi samo segalo bangso,
pejabat-pejabat jugo slóró pemémpén di bumi;
12 bujang-bujang samo gadés-gadés,
wong-wong tuo jugo budak-budak kecik.
13 Biarla segalonyo muji namo Allahyhwh,
soalnyo cuman namo Dio baela yang pantes ditinggike!
Keagóngan-Nyo di pócók bumi jugo langét.
14 Dio la ngangkat tandók kekuasoan óntók umat-Nyo,
kehormatan óntók slóró wong além-Nyo,d
iola óntók anak-anak Israel, umat yang deket samo Dio.
Pujila Allahyhwh!