146
Pujila Allah, sikok-sikoknyo penolong
1 Pujila Allahyhwh!
Ói jiwo aku, pujila Allahyhwh!
2 Aku nak muji Allahyhwh seómór édóp aku;
aku nak nyanyi óntók Tuhanku selamo aku ado.
3 Janganla pecayo samo pemémpén-pemémpén,
samo manusio, yang idak pacak nyelametke.
4 Pas napasnyo pótós, dio balék ke tana.
Pas ari tu jugo, rencano-rencanonyo ilang.
5 Senengla ati wong yang penolongnyo iola Tuhannyo Yakób,
yang arepannyo ado samo Allahyhwh, Tuhannyo.
6 Diola yang jadike bumi, laót, jugo alam semesto, samo slóró isinyo,
yang tetep stio óntók selamo-lamonyo.
7 Diola yang mbela hak wong-wong yang diperes,
jugo yang ngenjók pajóan samo wong-wong yang laper.
Allahyhwh ngelepaske wong-wong tahanan,
8 Allahyhwh mbukak mato wong-wong buto,
Allahyhwh negakke wong-wong yang tetóndók,
Allahyhwh ngaséhi wong-wong bener.
9 Allahyhwh ngeléndóngi wong-wong pendateng.
Dio negakke anak-anak yatém samo jando-jando,
tapi Dio belokke jalan wong jahat.
10 Allahyhwh bakal mrénto jadi Rajo óntók selamo-lamonyo.
Tuhan kau, ói Sion, bakal mrénto dari jaman ke jaman.
Pujila Allahyhwh!