143
Doa mintak petolongan jugo pémpénan Allah
1 Saér nyanyian Daód.
Ya Allahyhwh, dengerkela doa aku!
Peratikela pemohonan aku yang mintak kemurahan Kau;
jawabla aku dalem kestioan Kau,
dalem kebeneran Kau.
2 Janganla ngadéli hamba Kau ni,
soalnyo katek wong yang bener di adepan Kau
di antaro slóró yang édóp.
3 Soalnyo mósó mburu aku,
trós ngeremókke édóp aku sampe ke tana.
Dio makso aku tinggal dalem kegelepan
pecak wong yang la lamo mati.
4 Laju semangat aku jadi lema lesu di dalem aku,
trós ati aku remók di dalem badan aku.
5 Aku inget jaman bingen.
Aku ngerenóngke slóró pebuatan Kau,
jugo mékérke slóró gawean tangan Kau.
6 Aku nadake tangan ke Kau;
jiwo aku ngerinduke Kau pecak tana yang tandós. Selah
7 Gancangla jawab aku, ya Allahyhwh!
Semangat aku la abés!
Janganla maléngke rai Kau dari aku
supayo aku idak jadi pecak wong yang tórón ke liang kóbór.
8 Biarla aku denger kabar kasé stio Kau pas pagi ari,
karno samo Kaula aku pecayo.
Enjók taukela aku jalan yang harós aku liwati
karno samo Kaula aku gantóngke édópa aku.
9 Ya Allahyhwh, lepaskela aku dari mósó-mósó aku,
karno samo Kaula aku beléndóng.
10 Ajarila aku ngelakuke pasal yang nyenengke Kau,
karno Kaula Tuhan aku.
Biarla Ro Kau yang baék tu mémpén aku
di tana yang lempeng.
11 Ya Allahyhwh, demi namo baék Kau, selametkela nyawo aku!
Dalem kebeneran Kau, gawakla édóp aku metu dari kesaroan!
12 Dalem kasé stio Kau, binasokela mósó-mósó aku!
Musnakela slóró wong yang nyaroke édóp aku,
karno aku ni hamba Kau.