12
Doa mintak tolong ngadepi kejahatan dunio
1 Catetan óntók pemémpén pujian: Saér ni dinyanyike nórót syeminit.a Saér nyanyian Daód.
2 Ya Allahyhwh, selametkela!
Soalnyo wong além la abés;
wong-wong stio la ilang dari antaro anak-anak manusio.
3 Dio wong saléng ngotak'i;
dio wong ngomong dengen bébér manis jugo ati yang becabang.
4 Kironyo Allahyhwh netak slóró bébér manis
jugo lida yang besak omong,
5 iola dio wong yang ngomong, “Dengen lida kami, kami menang!
Bébér kami iola kepunyoan kami! Siapo nian yang jadi tuan kami?”
6 Allahyhwh ngomong,
“Karno penindesan wong saro
jugo karno réntéan wong méskén,
sekarang Aku bakal bangkét!
Aku bakal narok dio wong di tempat aman yang dio wong arepke.”
7 Omongan Allahyhwh iola omongan yang murni,
pecak perak yang dilebór di jeró tungku di tana, tójó kali dimurnike.
8 Ya Allahyhwh, Kau bakal nyago wong-wong tu.
Kau bakal ngeléndóngi dio wong dari angkatan jaman ni óntók selamo-lamonyo.
9 Soalnyo wong jahat ado di mano-mano
karno kehinoan disanjóng-sanjóng di antaro anak-anak manusio.