13
Doa wong yang pecayo samo kasé stio Allah dalem kesaroan
1 Catetan óntók pemémpén pujian: Saér nyanyian ni dari Daód.
2 Ya Allahyhwh, sampe kapan Kau terós-terósan ngelupoke aku?
Sampe kapan Kau maléngke rai Kau dari aku?
3 Sampe kapan aku harós nyimpen kekuatéran di dalem diri aku,
kesedéan di jeró ati aku siang malem?
Sampe kapan mósó aku ditinggike di pócók aku?
4 Ya Allahyhwh, ya Tuhan aku, peratikela trós simbatila aku.
Pólékela tenago aku sampe mato aku terang,
supayo aku jangan sampe tetédók dalem kematian,
5 supayo mósó aku jangan sampe ngomong, “Aku la nguasoi dio!”
trós lawan-lawan aku besorak-sorak pas aku tecampak.
6 Tapi aku, samo kasé stio Kaula aku pecayo;
ati aku besorak-sorak karno keselametan dari Kau.
Aku bakal nyanyi óntók Allahyhwh
karno Dio la bebuat baék samo aku.