14
Kebórók'an manusio
1 Catetan óntók pemémpén pujian: Saér nyanyian ni dari Daód.
Wong tekak ngomong di jeró atinyo,
“Katek Tuhan.”
Dio wong busuk ati. Kelakuannyo kejem.
Katek yang bebuat baék.
2 Allahyhwh masati dari surgo,
ke anak-anak manusio,
óntók jingok kalu bae ado wong yang bijak,
yang atinyo nyari Allah.
3 Galo-galo wong la melenceng,
samo-samo rusak.
Katek yang bebuat baék,
sikok wong bae idak.a
4 Idak sadar apo slóró wong yang bebuat jahat tu?
Dio wong tu makani umat aku pecak makan roti,
jugo idak bejerét samo Allahyhwh.
5 Di sano dio wong bakal ketakótan nian.
Soalnyo Allah nyertoi angkatan wong bener.
6 Kamu nak ngalangi rencano wong yang saro,
tapi Allahyhwh iola tempat peléndóngannyo.
7 Kironyo keselametan wong-wong Israel dateng dari Sion!
Pas Allahyhwh balékke keadaan umat-Nyo tu,
Yakób bakal besorak-sorak jugo Israel bakal seneng.