15
Siapo bae yang bole dateng ke Allah?
1 Saér nyanyian Daód.
Ya Allahyhwh, siapo bae yang bole nginep dalem kemah Kau?
Siapo bae yang bole netep di bókét Kau yang suci?
2 Wong yang bejalan dalem ketólósan,
trós yang bebuat keadélan,
jugo yang ngomongke kebeneran dari atinyoa.
3 Dio idak mitna pakek lidanyo,
idak bebuat jahat samo kawan-kawannyo,
trós idak ngatoi tetanggonyo.
4 Dio mandang hino wong yang ditolak Allah
tapi ngormati wong yang takót samo Allahyhwh.
Dio dak ngoba janjinyo mugola dirugike.
5 Dio dak minjemke dóétnyo dengen nganakkenyo,
trós dak nerimo sogok'an óntók ngelawan wong yang dak besala.
Wong yang bebuat cak itu dak bakal tegoyake sampe selamo-lamonyo.