16
Kesenengan wong além ado samo Allah
1 Miktama Daód.
Ya Allah, jagola aku, karno samo Kaula aku beléndóng.
2 Aku ngomong samo Allahyhwh,
“Kaula Tuan aku.
Dak katek yang baék óntók aku selaén Kau.”
3 Wong-wong suci yang ado di bumi ni
iola wong-wong yang mulyo yang jadi kesenengan aku ni.
4 Kesaroan wong-wong yang nyemba dewo bakal betamba banyak.b
Aku dak bakal melok dio wong nuangke pesembahan minuman yang dari dara,
apo manggél namo dewo-dewo di bébér aku.
5 Ya Allahyhwh, Kaula takdérc aku; Kaula harto aku.
Kau jugo yang nyekel undi aku.
6 Tali pengókór nyampak ke aku di tempat-tempat yang lemak.
Iyo nian, warésan aku nyenengke aku.
7 Aku bakal muji Allahyhwh, yang la nasehati aku.
Iyo, pas malem ari, batén aku ngajari aku.
8 Aku la narok Allahyhwh di adepan aku terós.
Karno Dio ado di sebela kanan aku, aku dak bakal tegoncang.
9 Mangkonyo, ati aku seneng jugo jiwo aku besorak!
Iyo, rago aku bakal netep dengen aman.
10 Soalnyo Kau dak bakal nyerake jiwo aku ke dunio wong mati,
jugo dak bakal mbiarke wong além Kau jingok alam kóbór.
11 Kau ngenjóktauke samo aku jalan keédópan.
Di adepan Kau ado kepuasan yang penu.
Di sebela kanan Kau ado kesenengan selamo-lamonyo.d