28
Allah denger doa pemohonan umat-Nyo yang mintak tolong samo Dio
1 Dari Daód.
Ya Allahyhwh, samo Kaula aku bejerét!
Ói gónóng batu aku, janganla Kau nótóp kópéng dari aku!
Soalnyo amen Kau diem,
aku jadi pecak wong yang tórón ke jeró liang kóbór.
2 Dengerkela suaro pemohonan aku
pas aku bejerét mintak tolong samo Kau,
pas aku ngangkat tangan bedoa
ke ara Ruang Maha Sucia Kau.
3 Jangan nyeret aku besamo-samo dengen wong beduso,
dengen wong-wong yang bebuat jahat,
yang ngomongnyo manis dengen sesamonyo,
padahal di jeró atinyo ado kejahatan.
4 Lakukela ke dio wong sesuai dengen apo yang digawekenyo,
sesuai dengen kelakuan jahatnyo.
Lakukela ke dio wong sesuai dengen pebuatan tangannyo.
Enjókkela balesan ke dio wong.
5 Karno dio wong idak nganggep apo yang digaweke Allahyhwh
jugo pebuatan tangan-Nyo,
Dio bakal ngancórke dio wong
trós idak mbangónnyo lagi.
6 Pujila Allahyhwh
karno Dio la ndengerke suaro pemohonan aku.
7 Allahyhwh iola kekuatan jugo tameng aku.
Aku pecayo samo Dio di jeró ati aku, trós aku ditolong.
Ati aku beseneng,
trós dengen nyanyian aku, aku nak besókór samo Dio.
8 Allahyhwh iola kekuatan umat-Nyo.
Diola benteng keselametan óntók rajo yang dilanték-Nyo.
9 Selametkela umat Kau,
trós berkahila pusako kepunyoan Kau tu;
gembalakela dio wong, trós gawakla dio wong dalem tangan Kau
sampe selamo-lamonyo.