29
Akuila kekuasoan Allah!
1 Saér nyanyian Daód.
Akuila Allahyhwh, ói mahlók-mahlók surgawi,a
akuila Allahyhwh karno kemulyoan jugo kekuatan-Nyo!
2 Akuila Allahyhwh karno kemulyoan namo-Nyo!
Sójódla samo Allahyhwh dengen behiaske kesucian!
3 Suaro Allahyhwh pecak góntór di pócók laótan;
Tuhan Yang Maha Mulyo begemóró,
Allahyhwh di pócók laótan luas.
4 Suaro Allahyhwh tu bekuaso.
Suaro Allahyhwh tu mulyo.
5 Suaro Allahyhwh matake pohon-pohon besak*;
iyo, Allahyhwh matake pohon-pohon aras Lebanon.b
6 Dio mbékén Pegónóngan Lebanon kocar-kacér pecak anak sapi,c
jugo Gónóng Siriond pecak anak banteng.
7 Suaro Allahyhwh mancarke kilatan api yang benyalo-nyalo.
8 Suaro Allahyhwh geterke padang górón,
Allahyhwh geterke padang górón Kadesh.
9 Suaro Allahyhwh mbékén ruso beranak,
trós nelanjangi utan.
Di jeró Ruma Agóng-Nyo
tiap wong bejerét, “Mulyo!”
10 Allahyhwh bekuaso di pócók segalo banyu,e
Allahyhwh bekuaso jadi Rajo óntók selamo-lamonyo.
11 Allahyhwh ngenjók kekuatan samo bangso-Nyo,
Allahyhwh mberkahi bangso-Nyo dengen damai sentoso.