30
Ucapan sókór pas diselametke dari kematian
1 Saér nyanyian. Nyanyian ni perna dipakek pas ngeresmike Ruma Agóng Allah.a Dari Daód.
2 Aku bakal ngagóngke Kau, ya Allahyhwh,
karno Kau narék aku naék,
trós idak mbiarke mósó-mósó nyorak'i aku.
3 Ya Allahyhwh, ya Tuhan aku, samo Kaula aku bejerét,
trós Kau nyembóke aku.
4 Ya Allahyhwh, Kau la ngangkat jiwo aku dari dunio wong mati.
Kau nyelametke édóp aku dari antaro wong-wong yang tórón ke liang kóbór.
5 Nyanyikela pujian óntók Allahyhwh, ói kamu wong-wong além-Nyo!
Besókórla óntók namo-Nyo yang suci!
6 Soalnyo kemarahan-Nyo cuman denget bae,
tapi kemurahan-Nyo óntók seómór édóp.
Sepanjang malem ado tangisan,
tapi pas pagi ari ado sorak'an.
7 Tapi aku, pas édóp lapang, aku dengen sombong ngomong cak ini,
“Aku dak bakal perna tegoyake!”
8 Ya Allahyhwh, pas kemurahan Kau,
Kau tegakke aku pecak gónóng yang kuat;
tapi pas Kau mbuang rai Kau,
aku ketakótan.
9 Samo Kau, ya Allahyhwh, aku bejerét;
samo Tuan aku, aku mintak kemurahan. Uji aku,
10 “Apo óntóngnyo amen dara aku tetumpa,
amen aku tórón ke liang kóbór?
Apo debu manusio bakal muji Kau,
jugo bakal mbritoke kestioan Kau?
11 Dengerla, ya Allahyhwh, trós mura atila samo aku!
Ya Allahyhwh, jadila penolong aku!”
12 Kau la ngoba ratepan aku jadi tarian,
Kau la ngelepaske kaén kabóng aku,
trós makekke kesenengan ke aku,
13 sampe-sampe jiwo aku nyanyike pujian óntók Kau
trós idak diem bae.
Ya Allahyhwh, ya Tuhan aku, aku bakal besókór samo Kau
óntók selamo-lamonyo.