32
Kesenengan wong yang diampóni dusonyo
1 Dari Daód. Maskil.a
Senengla ati wong yang diampóni pelanggarannyo,
yang dusonyo ditótópi.
2 Senengla ati wong yang kesalahannyo idak diétóng Allahyhwh,
yang dalem jiwonyo katek penipuan.
3 Pas aku diem pasal duso aku,
tulang-tulang aku jadi keropos karno jerétan aku sepanjang ari.
4 Soalnyo siang jugo malem, tangan Kau neken aku,
kekuatanb aku tekeréng pecak dalem panasnyo mósém kemaró. Selah
5 Aku ngakui duso aku samo Kau,
trós aku idak nyingiti kesalahan aku.
Uji aku, “Aku bakal ngakui pelanggaran-pelanggaran aku samo Allahyhwh.”
Trós Kau ngambék kesalahan aku dengen ngampóni duso aku. Selah
6 Karno tu, biarla slóró wong além bedoa samo Kau pas kesesekan.c
Sebenernyo, pas banjér besak dateng,
dio wong idak bakal keno.
7 Kaula peléndóngan aku,
Kau nyago aku dari kesaroan,
Kau ngeléléngi aku dengen sorak'an karno keselametan. Selah
8 Uji Allah,
“Aku bakal ngajar trós nónjókke samo kau
jalan yang harós kau jalani.
Aku bakal nasehati kau
dengen mato Aku tetójó ke kau.
9 Jangan jadi pecak kudo apo keledai yang katek akal,
yang harós dikendalike dengen kekang jugo tali,
amen dak tu, binatang tu dak bakal marak'i kau.”d
10 Banyak kesaroan óntók wong jahat,
tapi kasé stio Allahyhwh
ngeléléngi wong yang pecayo samo Dio.
11 Besenengla dalem Allahyhwh trós pujila,
ói kamu wong-wong bener!
Besorakla, ói slóró wong yang lórós ati!