3
Yunus nóróti Allah, wong Niniwe betobat
1 Allahyhwh ngomong ke Yunus óntók yang keduo kalinyo, uji-Nyo, 2 “Gancangla pegi ke Niniwe, kota yang besak tu, trós sampeke ke dio wong pesen yang Aku omongke ke kau.” 3 Laju Yunus begancang pegi ke Niniwe, sesuai dengen omongan Allahyhwh.
Niniwe ni kota yang luar biaso besak, sampe tigo ari pejalanan luasnyo. 4 Yunus mulai bejalan seari jaónyo ke dalem kota tu. Dio mekék, ujinyo, “40 ari lagi Kota Niniwe bakal dijóngkérbalékke!” 5 Wong-wong Niniwe tu pecayo samo pesen Allah. Dio wong ngómómke óntók bepuaso. Dio wong makek kaén kabóng,a mulai dari wong besak sampe wong kecik.b
6 Pas brito tu sampe ke rajo Niniwe, tórónla rajo tu dari korsinyo, dipecólkenyola jubanyo, dipakeknyo kaén kabóng, trós dódókla dio di pócók abu.c 7 Rajo békén pengumuman di Niniwe. Ujinyo, “Inila kepótósan rajo samo pejabat-pejabatnyo:
Manusio samo binatang, sapi samo kambéng domba dak bole nyécépi apo bae, dak bole makan jugo dak bole minum banyu. 8 Slóró manusio samo binatang harós makek kaén kabóng, trós bedoa nian-nian ke Allah. Setiap wong harós ninggalke kejahatan samo kekerasan yang dilakukenyo. 9 Kalu-kalu bae Allah bakal ngoba niat-Nyo trós ninggalke kemarahan-Nyo, jadi kito dak bakal mati.”
10 Pas Allah nyingok apo yang dio wong lakuke, cakmano dio wong ninggalke pebuatannyo yang jahat, ahérnyo Allah ngoba niat-Nyo pasal bencano yang la Dio enjók tauke ke dio wong. Allah óróng ngelakukenyo.